Քարտեզ
Հետաքրքրության հայտ ներկայացնելու հրավեր FREDA/CS-2015/005-3
Հետաքրքրության հայտ ներկայացնելու հրավեր
Աջակցություն ISO 22 000 սերտիֆիկացման ստանդարտներին պահանջների բավարարման համար, FREDA/CS-2015/005-3
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
“Ենթակառուցվածքների և գյուղական ֆինանսավորման աջակցություն” /ԵԳՖԱԾ / ԾՐԱԳԻՐ
ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐԻ ԸՆՏՐՈՒԹՅՈՒՆ ՀԻՄՆՎԱԾ ԽՈՐՀՐԴԱՏՈՒԻ ՈՐԱԿԱՎՈՐՄԱՆ ՎՐԱ
Դանիական թագավորություն, դրամաշնորհ COFIN-DK-817-AM
Հայաստանի Հանրապետությունը դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղական ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։
Հայաստանում գյուղական տարածքների տնտեսական զարգացման հիմնադրամը /այսուհետ` Հիմնադրամ/ Աջակցություն ISO 22 000 սերտիֆիկացման ստանդարտներին պահանջների բավարարման համար, FREDA/CS-2015/005-3 ծրագրի իրականացման համար Խորհրդատուների ընտրության առաջիկա մրցույթին մասնակցելու նպատակով բոլոր շահագրգիռ կազմակերպություններին հրավիրում է ներկայացնել Հետաքրքրության հայտեր:
Ծառայության նպատակը
Ծառայության նպատակն է աջակցել ՀԳՏՏԶՀ Հաճախորդ Ընկերությանը /ՀԸ/ բարելավել գործունեության կառավարումը և թափանցիկության մակարդակը, ինչը դրական ազդեցություն կունենա ղեկավար անձնակազմի որոշումների վրա, ինչպես նաև ՀԳՏՏԶՀ ներդրման արդյունավետության վրա: Այդ նպատակին հասնելու առանձնահատուկ միջոցներից է հանդիսանում ISO 22 000 սերտիֆիկացման ստանդարտներին պահանջների իրականացումը: Ծառայության նպատակն է աջակցել ՀԸ-ին՝ ծանոթանալ ISO 22 000 պահանջներին, առկա բացերին և անհրաժեշտ միջոցներին, որոնք պետք է ձեռնարկվեն, եթե ՀԸ-ն ցանկանա ձեռք բերել ISO 22000 սերտիֆիկացում:
Առաջադրանքը և սպասվող արդյունքները
Որպեսզի ՀԸ-ն ապահովի ավելի լավ և որակյալ արտադրանք, այն պետք է որոշակի փոփոխության ենթարկի իր կառավարումը և շինությունները ISO 22000 պահանջներին համապատասպան: Ներկա իրավիճակի և ստանդարտի պահանջների միջև առկա բացը լրացնելու համար՝ խորհրդատուն պետք է գնահատի և աջակցի Ընկերությանը՝ վերլուծելով այդ բացը և ձեռնարկվելիք միջոցները, ինչը թույլ կտա ՀԸ-ին բավարարել հետագայում ISO 22 000 պահանջները:
Որակավորումը`
Խորհրդատու կազմակերպությունը պետք է ունենա հետևյալ որակավորումը`
- Համապատասխան ոլորտում նախագծերի իրականացման առնվազն 5 տարվա փորձ,
- Համապատասխան ոլորտում առնվազն 3 տարվա փորձ ունեցող առնվազն 2 խորհրդատուի առկայություն
- Համապատասխան ոլորտում առնվազն 2 նախագծի իրականացում նախորդ 2 տարվա ընթացքում,
- Խորհրդատուների հիմնավորված հմտություններ և փորձ հետևյալ ոլորտներում՝ Պարենի Կառավարում, Հիգիենա, GMP, GHP Խորհրդատվություն և վերապատրաստում:
- Միջազգային ընկերություններում նախկինում աշխատելու հիմնավորված փորձ:
Հայտում ներառվող փաստաթղթերը`
- Դիմում Հիմնադրամի տնօրենի անունով` նշելով, ծրագրի անվանումը;
- Իրավաբանական անձի պետական գրանցման վկայականի պատճենը;
- Հայտը ստորագրողի լիազորագիրը;
- Խորհրդատուի ընդհանուր փորձը և այլ անհրաժեշտ տվյալներ;
- Վերջին 5 տարիների ընթացքում նմանատիպ ծառայությունների մատուցման փորձառության վերաբերյալ տեղեկատվություն;
- Աշխատակազմի ցանկը և դրանց աշխատանքային փորձառության վերաբերյալ տեղեկատվությունը (CV),
- Հայտը համատեղ ներկայացնելու դեպքում ՀՁԳ-ի պայմանագիրը;
- Գրասենյակային, տրանսպորտային հարմարություններ;
Հայտը ներկայացվում է հայերեն, 1 բնօրինակ և 1 պատճեն։
Խորհրդատուների որակավորման և փորձի գնահատման չափանիշներ`
- Ընկերության ընդհանուր փորձը (տարիների քանակը) համապատասխան ոլորտում /10 միավոր/
- Վերջին երեք տարիների ընթացում կնքված նմանատիպ պայմանագրերի քանակը /20 միավոր/
- Հիմնական աշխատակազմի ընդհանուր փորձը և որակավորումը /20 միավոր/
- Հիմնական աշխատակազմի ծրագրին առնչվող փորձը և որակավորումը /50 միավոր/
Ընդամենը` 100 միավոր
Ամենահամապատասխան որակավորումներով և փորձով ընտրված Խորհրդատուն կներկայացնի համատեղված Տեխնիկական — Ֆինանսական առաջարկ և այնուհետև կհրավիրվի պայմանագրային բանակցությունների։
Աշխատանքների իրականացման ենթադրվող ժամկետը` 12 ամիս։
Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։
Հետաքրքրության հայտերը պետք է ներկայացնել նշված հասցեով մինչև 2016թ. Հունիսի 07-ը, ժ.17.00։
Հայաստանում գյուղական տարածքների տնտեսական զարգացման հիմնադրամը /այսուհետ` Հիմնադրամ
Գնումների մասնագետ` Մարինա Մելքոնյան
Հասցե` ՀՀ, ք. Երևան, Սարյան 26/3
ՀՎՀՀ՝ 00099439
Հեռ`010 50 05 81
info@freda.am
