Քարտեզ
Հետաքրքրության հայտ ներկայացնելու հրավեր FREDA/CS-2017/004
Հետաքրքրության հայտ ներկայացնելու հրավեր
ISO 22000 սերտիֆիկացում
“Եղեգնաձորի Պահածոների Գործարան” ՍՊԸ-ի համար, FREDA/CS-2017/004
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
“Ենթակառուցվածքների և գյուղական ֆինանսավորման աջակցություն” /ԵԳՖԱԾ / ԾՐԱԳԻՐ
ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐԻ ԸՆՏՐՈՒԹՅՈՒՆ ՀԻՄՆՎԱԾ ԽՈՐՀՐԴԱՏՈՒԻ ՈՐԱԿԱՎՈՐՄԱՆ ՎՐԱ
Դանիական թագավորություն, դրամաշնորհ COFIN-DK-817-AM
Հայաստանի Հանրապետությունը դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղական ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։
Հայաստանում գյուղական տարածքների տնտեսական զարգացման հիմնադրամը /այսուհետ` Հիմնադրամ/ ISO 22000 սերտիֆիկացում “Եղեգնաձորի Պահածոների Գործարան” ՍՊԸ-ի համար, FREDA/CS-2017/004 ծրագրի իրականացման համար Խորհրդատուների ընտրության առաջիկա մրցույթին մասնակցելու նպատակով բոլոր շահագրգիռ կազմակերպություններին հրավիրում է ներկայացնել Հետաքրքրության հայտեր:
Առաջադրանքի նպատակը
Առաջադրանքի նպատակն է աջակցել <<Եղեգնաձորի պահածոների գործարան>> ՍՊԸ-ին (այսուհետ՝ Հաճախորդ Ընկերություն) արտասահմանյան շուկաների սուպերմարկետների ցանցերում իր վաճառքների ծավալների ավելացման ուղղությամբ: Արդյունքում ՀԳՏՏԶՀ-ի ներդրման արդյունավետությունը ևս կավելանա: Նպատակին հասնելու հատուկ միջոց է հանդիսանում ISO 22000 սերտիֆիկացման գործընթացում աջակցության տրամադրումը (Աջակցություն), որն իր ուղղակի ազդեցությունն է ունենալու արտաքին շուկաներում Հաճախորդ Ընկերության արտադրանքի մրցունակության վրա:
Առաջադրանք և սպասվող արդյունքներ
Խորհրդատուն պետք է խորհրդատվություն տրամադրի սերտիֆիկացման պահանջներին համապատասխանելու գործընթացում և աջակցի սերտիֆիկացման ստացման ընթացում: Աջակցությունը ներառում է հետևյալ քայլերը.
- Ախտորոշիչ/դիագնոստիկ աուդիտի իրականացում,
- Սերտիֆիկացման պահանջներին համապատասխանելու նպատակով գործողությունների պլանի մշակում,
- Անհրաժեշտ խորհրդատվության տրամադրում (այդ թվում, շինարարության համար համապատասխան նախագծերի մշակման օժանդակություն, եթե շինարարական աշխատանքներն անհրաժեշտ են ընկերության կառույցների՝ սերտիֆիկանցման և այլ կիրառելի պահանջներին համապատասխանելու համար, ինչպես նաև իրավասու կառուցապատող ընկերության հետ պայմանագրային հարաբերությունների ձևավորման գործընթացում օժանդակության տրամադրում)
- ISO 22000 սերտիֆիկացման կազմակերպում (այդ թվում, սերտիֆիկացման վճարների իրականացում)` համաշխարհային ճանաչում և հեղինակություն ունեցող Սերտիֆիկացնող Ընկերության միջոցով:
Որակավորումը`
Խորհրդատու կազմակերպությունը պետք է ունենա հետևյալ որակավորումը`
- Խորհրդատուի հիմնական աշխատակազմը պետք է ունենա բարձրագույն մասնագիտական կրթություն, համապատասխան փորձառություն և որակավորում;
- Բավարար քանակի մասնագետներ ծառայությունների ժամանակին իրականացման համար;
Հայտում ներառվող փաստաթղթերը`
- Դիմում Հիմնադրամի տնօրենի անունով` նշելով, ծրագրի անվանումը;
- Իրավաբանական անձի պետական գրանցման վկայականի պատճենը;
- Հայտը ստորագրողի լիազորագիրը (Պետ. Ռեգիստրի կողմից գրանցված տնօրենի դեպքում անհրաժեշտ չէ);
- Խորհրդատուի ընդհանուր փորձը և այլ անհրաժեշտ տվյալներ;
- Վերջին 5 տարիների ընթացքում նմանատիպ ծառայությունների մատուցման փորձառության վերաբերյալ տեղեկատվություն;
- Աշխատակազմի ցանկը և դրանց աշխատանքային փորձառության վերաբերյալ տեղեկատվությունը (CV),
- Հայտը համատեղ ներկայացնելու դեպքում ՀՁԳ-ի պայմանագիրը;
Հայտը ներկայացվում է հայերեն, 1 բնօրինակ և 1 պատճեն։
Խորհրդատուների որակավորման և փորձի գնահատման չափանիշներ`
- Ընկերության ընդհանուր փորձը (տարիների քանակը) համապատասխան ոլորտում /10 միավոր/
- Վերջին հինգ տարիների ընթացում նմանատիպ ծրագրերի իրականացման քանակը /20 միավոր/
- Հիմնական աշխատակազմի ընդհանուր փորձը և որակավորումը /20 միավոր/
- Հիմնական աշխատակազմի ծրագրին առնչվող փորձը և որակավորումը /50 միավոր/
Ընդամենը` 100 միավոր
Ամենահամապատասխան որակավորումներով և փորձով ընտրված Խորհրդատուն կներկայացնի համատեղված Տեխնիկական — Ֆինանսական առաջարկ և այնուհետև կհրավիրվի պայմանագրային բանակցությունների։
Աշխատանքների իրականացման ենթադրվող ժամկետը` 3 ամիս։
Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։
Հետաքրքրության հայտերը պետք է ներկայացնել նշված հասցեով մինչև 2017թ. Հուլիսի 10-ը, ժ.17.00։
Հայաստանում գյուղական տարածքների տնտեսական զարգացման հիմնադրամ
Գնումների մասնագետ` Մարինա Մելքոնյան
Հասցե` ՀՀ, ք. Երևան, Սարյան 26/3
ՀՎՀՀ՝ 00099439
Հեռ`010 50 05 81
info@freda.am
