Հետաքրքրության հայտ ներկայացնելու հրավեր FREDA/CS-2017/008

Հետաքրքրության հայտ ներկայացնելու հրավեր

ՀԳՏՏԶՀ-ի հաշվապահական ծրագրի թարմացում/ նոր ծրագրի ձեռքբերում

 FREDA/CS-2017/008

 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

“Ենթակառուցվածքների և գյուղա­կան ֆինանսավորման աջակցություն” /ԵԳՖԱԾ / Ծրագիր

ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ Ի ԸՆՏՐՈՒԹՅՈՒՆ  ՀԻՄՆՎԱԾ ՈՐԱԿԻ ԵՎ ԳՆԻ ՎՐԱ

Դանիական թագավորության դրամաշնորհ, COFIN-DK-817-AM

Հայաստանի Հանրապետությունը դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղա­կան ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։

Առաջադրանքի նպատակն է ` աջակցել ՀԳՏՏԶՀ-ին առկա հաշվապահական ծրագրի  թարմացման կամ նոր անհատական հարմարեցված  հաշվապահական ծրագրի ստեղծման հարցում, որի արդյունքում ՀԳՏՏԶՀ-ն հնարավորություն կունենա կազմելու միջազգային ստանդարտներին  համապատասխանող ֆինանսական հաշվետվություններ, ինչպես նաև կազմելու այլ հաշվետվություններ՝ որոնք անհրաժեշտ են  ինչպես ներդրումների կառավարման, այնպես էլ այլ կարգավորող մարմիններ (ՀՀ Կառավարություն, ԳԶՄՀ և այլն) ներկայացնելու համար: Այս ամենի արդյունքում կաճեն  ՀԳՏՏԶՀ-ի  կողմից իր  ֆինանսական ցուցանիշները յուրաքանչյուր պահին կառավարելու և գնահատելու, ինչպես նաև հետաքրքրված կողմերին/ հաստատություններին հաշվետվություններ ներկայացնելու հնարավորությունները: Այս նպատակին  հասնելու հատուկ միջոցն է հանդիսանում հաշվապահական ծրագրի մշակումը:

Խորհրդատուի ընտրության նպատակն է`

ՀԳՏՏԶՀ-ին ֆինանսական հաշվետվությունների միջազգային ստանդարտներին համապատասխանող հաշվետվությունների կազմման և իր ցուցանիշների շարունակական գնահատման հարցում աջակցություն տրամադրելու նպատակով՝ Խորհրդատուն պետք է հնարավորության դեպքում թարմացնի առկա հաշվապահական ծրագիրը կամ մշակի նոր անհատական հարմարեցված հաշվապահական ծրագիր:

Առաջադրանքը բաղկացած է հետևյալ հիմնական ծառայություններից` 

1. Գործողությունների պլանի մշակում,
2. Գործողությունների պլանի համաձայնեցում ՀԳՏՏԶՀ-ի հետ,
3. Պահանջվող տեղեկատվական աղբյուրների համաձայնեցում ՀԳՏՏԶՀ-ի հետ,
4. ՀԳՏՏԶՀ-ի հետ համաձայնեցված  թարմացվող կամ նոր հաշվապահական ծրագրի նախնական գաղափարի մշակում, որը հնարավորություն կտա արտահանելու տվյալները, 
5. Օրական, շաբաթական, ամսական և տարեկան համախմբված տեղեկատվական բազայի հայեցակարգի մշակում և համաձայնեցում ՀԳՏՏԶՀ-ի հետ,
6. Ծրագրի տեղադրում, անձնակազմի վերապատրաստում, ելակետային տվյալների մուտքագրում, ծրագրի գործարկում և ծրագրի տեղադրումից հետո 12 ամիսների ընթացքում  ծրագրի անվճար սպասարկում:
7. ՀԳՏՏԶՀ-ի ներդրումային թիմի համար հաճախորդ ընկերությունների ներդրումների մարումների  վերաբերյալ մանրամասն տեղեկատվությունը  տեսնելու,  վերլուծություններ իրականացնելու և դիագրամներ ստեղծելու  հնարավորությունների ստեղծում:  
8. Առաջադրանքի հաշվետվության նախագծի ներկայացում ՀԳՏՏԶՀ-ի վերանայմանը:
9. Առաջադրանքի հաշվետվության ներկայացում:

Ծրագիրը  իրականացնելու համար խորհրդատուի ընտրության առաջիկա մրցույթին մասնակցելու նպատակով ՀԳՏՏԶՀ-ը բոլոր շահագրգիռ և որակավորված կազմակերպություններին հրավիրում է ներկայացնել Հետաքրքրության հայտեր:

              Հայտում պետք է ներառվեն հետևյալ փաստաթղթերը.

• Դիմում ՀԳՏՏԶՀ-ի տնօրենի անունով;
• Պետական գրանցման վկայականի պատճենը;
• Հետաքրքրության հայտը ստորագրողի լիազորագիրը;
• Վերջին 5 տարիների ընթացքում նմանատիպ խորհրդատվական ծառայությունների մատուցման վերաբերյալ տեղեկատվություն, ինչպես նաև վերջին երկու տարիների ընթացքում հատուկ հաշվապահական բազայի մշակման և տեղեկատվության հավաքագրման վերաբերյալ տեղեկատվություն:
• Հետաքրքրության հայտը համատեղ ձեռնարկատիրական գործունեության սկզբունքով ներկայացնելու դեպքում պայմանագրի պատճենը;

• Աշխատակազմի ցանկը և աշխատանքային փորձառության վերաբերյալ տեղեկատվությունը

(CV),

Կարճ ցանկի կազման նպատակով կազմակերպությունների գնահատման չափորոշիչներն են`

• Վերջին հինգ տարիների ընթացքում հաշվապահական ծրագրային ապահովման ստեղծման ոլորտում փորձառություն (առավելագույնը 50 միավոր)
• Վերջին 2 տարիների ընթացքում հատուկ հաշվապահական բազայի մշակման և տեղեկատվության հավաքագրման ոլորտում (առնվազն 5 ծրագրերի իրականացում) փորձառություն (առավելագույնը 50 միավոր)

Հետաքրքրության հայտը ներկայացվում է հայերեն, 1 բնօրինակ և 1 պատճեն։

Աշխատանքների իրականացման ենթադրվող ժամկետը` 3 ամիս։

Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։

Հետաքրքրության հայտերը պետք է ներկայացնել նշված հասցեով մինչև 2017թ. Հունիսի 2-ը, ժ.17.00։

Հայաստանում գյուղական տարածքների տնտեսական զարգացման հիմնադրամ

Գնումների մասնագետ` Մարինա Մելքոնյան

Հասցե` ՀՀ, ք. Երևան, Սարյան 26/3

ՀՎՀՀ՝ 00099439

Հեռ`010 50 05 81

info@freda.am