Հետաքրքրության հայտ ներկայացնելու հրավեր FREDA/CS-2017/006

Հետաքրքրության հայտ ներկայացնելու հրավեր

 Նոր հարմարեցված ծրագրի ստեղծում ՀԳՏՏԶՀ-ի հաճախորդ ընկերությունների հաշվապահական տեղեկատվությունը մեկ բազայում հավաքագրելու նպատակով FREDA/CS-2017/006

 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

“Ենթակառուցվածքների և գյուղա­կան ֆինանսավորման աջակցություն” /ԵԳՖԱԾ / Ծրագիր

ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ Ի ԸՆՏՐՈՒԹՅՈՒՆ  ՀԻՄՆՎԱԾ ՈՐԱԿԻ ԵՎ ԳՆԻ ՎՐԱ

Դանիական թագավորության դրամաշնորհ, COFIN-DK-817-AM

Հայաստանի Հանրապետությունը դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղա­կան ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։

Առաջադրանքի նպատակն է ` աջակցել ՀԳՏՏԶՀ-ին հավաքագրելու իր հաճախորդ ընկերությունների ֆինանսական կառավարման և հաշվապահական հաշվառման տեղեկատվությունը, որը զերծ կլինի էական սխալներից: Ճշգրիտ տեղեկատվության առկայությունը կօժանդակի ճիշտ որոշումների կայացնմանը ինչպես ՀԳՏՏԶՀ-ի, այնպես էլ ընկերությունների մակարդակով, ինչի շնորհիվ կավելանա ՀԳՏՏԶՀ- ի յուրաքանչյուր ներդրման արդյունավետությունը:

Նշված նպատակին հասնելու առանձնահատուկ միջոցներից է հանդիսանում հատուկ հարմարեցված ծրագրի ստեղծումը ՀԳՏՏԶՀ-ի հաճախորդ ընկերությունների համար ֆինանսական և կառավարչական տեղեկատվության պահպանման և հենց ՀԳՏՏԶՀ-ի համար՝ իր հաճախորդ ընկերություններից անհրաժեշտ տեղեկատվության հավաքագրման նպատակով:

Խորհրդատուի ընտրության նպատակն է` իրականացնել նախնական գնահատում, անհրաժեշտության դեպքում օգտագործելով և վերլուծելով տեղեկատվության ձեռք բերման առաջնային և երկրորդային աղբյուրները, ներառյալ ուղիղ հարցազրույցները, չափորոշիչները, գրքերը և այլ հրատարակություններն ու համապատասխան տեղեկատվական աղբյուրները:

Խորհրդատուն պետք է մշակի գործողությունների պլան, պահանջվող աշխատանքների ընթացակարգերը և փաստաթղթային գործընթացների հրահանգները

Առաջադրանքը բաղկացած է հետևյալ հիմնական ծառայություններից` 

1. Գործողությունների ծրագրի մշակում,
2. Գործողությունների ծրագրի համաձայնեցում ՀԳՏՏԶՀ-ի հետ,
3. ՀԳՏՏԶՀ-ի և Հաճախորդի ծրագրերի պահանջների համաձայնեցում,
4. Հաճախորդի ծրագրի նախնական հայեցակարգի մշակում և համաձայնեցում ՀԳՏՏԶՀ-ի հետ,
5. Օրական, շաբաթական, ամսական և տարեկան համախմբված տեղեկատվական բազայի հայեցակարգի մշակում և համաձայնեցում ՀԳՏՏԶՀ-ի հետ,
6. ՀԳՏՏԶՀ-ի և Հաճախորդների ծրագրերի տեղադրում, անձնակազմի նախապատրաստում, ելակետային տվյալների ներմուծում, ծրագրերի օգտագործման մեկնարկում և անվճար ծրագրային սպասարկման ապահովում տեղադրումից 12 ամսվա ընթացքում,
7. Նախնական հաշվետվության տրամադրում և համաձայնեցում ՀԳՏՏԶՀ-ի հետ,
8. Վերջնական հաշվետվության տրամադրում:

Ծրագիրը  իրականացնելու համար խորհրդատուի ընտրության առաջիկա մրցույթին մասնակցելու նպատակով ՀԳՏՏԶՀ-ը բոլոր շահագրգիռ և որակավորված կազմակերպություններին հրավիրում է ներկայացնել Հետաքրքրության հայտեր:

              Հայտում պետք է ներառվեն հետևյալ փաստաթղթերը.

• Դիմում ՀԳՏՏԶՀ-ի տնօրենի անունով;
• Պետական գրանցման վկայականի պատճենը;
• Հետաքրքրության հայտը ստորագրողի լիազորագիրը;
• Վերջին 5 տարիների ընթացքում նմանատիպ խորհրդատվական ծառայությունների մատուցման վերաբերյալ տեղեկատվություն;
• Հետաքրքրության հայտը համատեղ ձեռնարկատիրական գործունեության սկզբունքով ներկայացնելու դեպքում պայմանագրի պատճենը;

• Աշխատակազմի ցանկը և աշխատանքային փորձառության վերաբերյալ տեղեկատվությունը

(CV),

Կարճ ցանկի կազման նպատակով կազմակերպությունների գնահատման չափորոշիչներն են`

• Վերջին հինգ տարիների ընթացքում հաշվապահական ծրագրերի մշակման/հարմարեցման ոլորտում փորձառություն (առավելագույնը 50 միավոր)
• Վերջին հինգ տարիների ընթացքում հատուկ հաշվապահական բազայի մշակման և տեղեկատվության հավաքագրման ոլորտում փորձառություն (առավելագույնը 50 միավոր)

Հետաքրքրության հայտը ներկայացվում է հայերեն, 1 բնօրինակ և 1 պատճեն։

Աշխատանքների իրականացման ենթադրվող ժամկետը` 3 ամիս։

Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։

Հետաքրքրության հայտերը պետք է ներկայացնել նշված հասցեով մինչև 2017թ. Հունիսի 2-ը, ժ.17.00։

Հայաստանում գյուղական տարածքների տնտեսական զարգացման հիմնադրամ

Գնումների մասնագետ` Մարինա Մելքոնյան

Հասցե` ՀՀ, ք. Երևան, Սարյան 26/3

ՀՎՀՀ՝ 00099439

Հեռ`010 50 05 81

info@freda.am