Հետաքրքրության հայտ ներկայացնելու հրավեր FREDA/CS-2017/005-2 (փուլ 2)

Հետաքրքրության հայտ ներկայացնելու հրավեր

 Աջակցություն ուղղված օրգանական արտադրանքի ծավալների ավելացմանը,

FREDA/CS-2017/005-2 (փուլ 2)

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

“Ենթակառուցվածքների և գյուղա­կան ֆինանսավորման աջակցություն” /ԵԳՖԱԾ / Ծրագիր

ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐԻ ԸՆՏՐՈՒԹՅՈՒՆ  ՀԻՄՆՎԱԾ ԽՈՐՀՐԴԱՏՈՒԻ ՈՐԱԿԱՎՈՐՄԱՆ ՎՐԱ

Դանիական թագավորության դրամաշնորհ, COFIN-DK-817-AM

Հայաստանի Հանրապետությունը  դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղա­կան ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։

Հայաստանում գյուղական տարածքների տնտեսական զարգացման հիմնադրամը /այսուհետ` Հիմնադրամ/ Աջակցություն ուղղված օրգանական արտադրանքի ծավալների ավելացմանը, FREDA/CS-2017/005-2 (փուլ 2) ծրագրի իրականացման համար Խորհրդատուների ընտրության առաջիկա մրցույթին մասնակցելու նպատակով բոլոր շահագրգիռ կազմակերպություններին հրավիրում է ներկայացնել Հետաքրքրության հայտեր:

Առաջադրանքի նպատակը`

Առաջադրանքի նպատակն է աջակցել պահածո արտադրողներին և թարմ միրգ արտահանողներին նպաստելով օրգանական մրգերի շուկայի մատակարարման աճին: “Սիս Նատուրալ” ՓԲԸ-ն և ՀԳՏՏԶՀ 1 պոտենցիալ հաճախորդ հանդիսացող “Քաշունի” ՓԲԸ-ն մտադիր են ընդլայնել իրենց օրգանական արտադրությունը, միաժամանակ “Մեղրու Պահածոների Գործարան” ՓԲԸ-ն և “Մարտունի Պահածոների Գործարան” ՓԲԸ-ն ցանկություն են հայտնել մուտք գործել օրգանական ապրանքների շուկա:

Առաջադրանք և սպասվող արդյունքներ`

Ծառայության նպատակն է տրամադրել խորհրդատվություն օրգանական սերտիֆիկացման (այսուհետ` սերտիֆիկատ) պահանջների բավարարման և սերտիֆիկատների ձեռքբերման հարցում: Աջակցությունը ներառում է հետևյալ քայլերի իրականացումը՝ (i) ախտորոշիչ աուդիտ, (ii) գործողությունների ծրագրի մշակում սերտիֆիկացման պահանջները բավարարելու համար (iii) այլ անհրաժեշտ խորհրդատվություն (այդ թվում՝ աջակցության փաստաթղթերի պատրաստման, մեթոդների համապատասխան փոփոխությունների, պարարտանյութերի, օգտագործված քիմիական նյութերի և այլնի շուրջ), (iv) այգիների օրգանական կառավարում, (v) օրգանական սերտիֆիկացման կազմակերպում (այդ թվում`սերտիֆիկացման վճարումները մինչև առաջին օրգանական բերքի ստացումը) ճանաչված և հեղինակավոր սերտիֆիկացման ընկերության կողմից: Սերտիֆիկացման մարմինը պետք է համապատասխանի ISO Guide 17065 և EN 45011 հետ:

Որակավորումը`

 Խորհրդատու կազմակերպությունը պետք է ունենա հետևյալ որակավորումը`

• Խորհրդատուի հիմնական աշխատակազմը պետք է ունենա բարձրագույն մասնագիտական կրթություն, համապատասխան փորձառություն և որակավորում;

• Բավարար քանակի մասնագետներ ծառայությունների ժամանակին իրականացման համար;

Հայտում ներառվող փաստաթղթերը`

 Դիմում Հիմնադրամի տնօրենի անունով` նշելով, ծրագրի անվանումը;

• Իրավաբանական անձի պետական գրանցման վկայականի պատճենը;
• Հայտը ստորագրողի լիազորագիրը (Պետ. Ռեգիստրի կողմից գրանցված տնօրենի դեպքում անհրաժեշտ չէ);
• Խորհրդատուի ընդհանուր փորձը և այլ անհրաժեշտ տվյալներ;
• Վերջին 5 տարիների ընթացքում նմանատիպ ծառայությունների մատուցման փորձառության վերաբերյալ տեղեկատվություն;
• Աշխատակազմի ցանկը և դրանց աշխատանքային փորձառության վերաբերյալ տեղեկատվությունը (CV),
• Հայտը համատեղ ներկայացնելու դեպքում ՀՁԳ-ի պայմանագիրը;

Հայտը ներկայացվում է հայերեն, 1 բնօրինակ և 1 պատճեն։

Խորհրդատուների որակավորման և փորձի գնահատման չափանիշներ`

• Ընկերության ընդհանուր փորձը (տարիների քանակը) համապատասխան ոլորտում /10 միավոր/
• Վերջին երեք տարիների ընթացում կնքված նմանատիպ պայմանագրերի քանակը /20 միավոր/ 
• Հիմնական աշխատակազմի ընդհանուր փորձը և որակավորումը /20 միավոր/
• Հիմնական աշխատակազմի ծրագրին առնչվող փորձը և որակավորումը /50 միավոր/

Ընդամենը`100 միավոր

Ամենահամապատասխան որակավորումներով և փորձով ընտրված Խորհրդատուն կներկայացնի համատեղված Տեխնիկական — Ֆինանսական առաջարկ և այնուհետև կհրավիրվի պայմանագրային բանակցությունների։

Աշխատանքների իրականացման ենթադրվող ժամկետը` 5 ամիս։

Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։

Հետաքրքրության հայտերը պետք է ներկայացնել նշված հասցեով մինչև 2017թ. Մայիսի 19-ը, ժ.17.00։

Հայաստանում գյուղական տարածքների տնտեսական զարգացման հիմնադրամ

Գնումների մասնագետ` Մարինա Մելքոնյան

Հասցե` ՀՀ, ք. Երևան, Սարյան 26/3

ՀՎՀՀ՝ 00099439

Հեռ`010 50 05 81

info@freda.am