Քարտեզ
Հայաստանում գյուղական տարածքների տնտեսական զարգացման հիմնադրամը (ՀԳՏՏԶՀ) մասնակցել է <<ՊանԱրմենիան Էքսպո>> 7-րդ միջազգային բազմաբնույթ ցուցահանդեսին
Հայաստանում գյուղական տարածքների տնտեսական զարգացման հիմնադրամը (ՀԳՏՏԶՀ) մասնակցել է 2016թ. հոկտեմբերի 7-9-ը «ԵՐԵՎԱՆ ԷՔՍՊՈ» կենտրոնում կայացած «ՊանԱրմենիան Էքսպո» 7-րդ միջազգային բազմաբնույթ ցուցահանդեսին: Ցուցահանդեսը կազմակերպվել էր ՀՀ Առևտրաարդյունաբերական Պալատի և «Պրոմ Էքսպո» ընկերության կողմից: Ցուցահանդեսի թեմատիկ բաժիններն էին՝ Առողջապահություն, Արդյունաբերություն, Բանկեր, Վարկային կազմակերպություններ, Բեռնափոխադրումներ, Գյուղատնտեսություն և Սննդարդյունաբերություն, Զբոսաշրջություն, Ծառայություններ, Կրթություն, Հրատարակչություն, Շինարարություն, Կահույք:
Ցուցահանդեսին ՀԳՏՏԶՀ-ի մասնակցության նպատակ էր Հիմնադրամի գործունեության մասին Հայաստանի գործարար աշխարհի իրազեկության մակարդակի բարձրացումը, ինչպես նաև նոր հաճախորդ ընկերությունների ներգրավումը:
Ցուցահանդեսի ընթացքում արձանագրվել է բավականին ակտիվ հաճախելիություն և հետաքրքրություն Հիմնադրամի գործունեության նկատմամբ, ինչպես նաև ձեռք են բերվել որոշակի նախնական պայմանավորվածություններ:
