Հետաքրքրության հայտ ներկայացնելու հրավեր FREDA/CS-2017/002

ՀՐԱՎԵՐ

ՀԵՏԱՔՐՔՐՈՒԹՅԱՆ ՀԱՅՏ ՆԵՐԿԱՅԱՑՆԵԼՈՒ

«Գարբուշ» ՍՊԸ-ի գործունեության բնապահպանական և սոցիալական ազդեցության գնահատում (ԲՍԱԳ), FREDA/CS-2017/002

Հայաստանի Հանրապետություն

“Ենթակառուցվածքների և գյուղա­կան ֆինանսավորման աջակցություն”  Ծրագիր

Խորհրդատվական Ծառայություններ` Որակի և Գնի վրա հիմնված ընտրություն

Դանիական թագավորության դրամաշնորհ, COFIN-DK-817-AM

Հայաստանի Հանրապետությունը  դրամաշնորհ է ստացել Դանիական թագավորությունից, որը կառավարվում է Գյուղատնտեսության Զարգացման Միջազգային Հիմնադրամի /այսուհետ` ԳԶՄՀ/ կողմից, “Ենթակառուցվածքների և գյուղա­կան ֆինանսավորման աջակցություն” ծրագիրը /այսուհետ` ԵԳՖԱԾ/ իրականացնելու համար և նպատակ ունի գումարների մի մասն օգտագործել սույն խորհրդատվական ծառայությունները ձեռք բերելու համար։

Ծրագրի նպատակներն են`

1. Բացահայտել հիմնական կապերը գյուղական աղքատության և շրջակա միջավայրի/բնապահպանական  կառավարման միջև և գնահատել միջանկյալ (նախանեդրումային) ֆինանսավորման ծրագրի (ծրագիր կամ առաջարկվող ծրագիր)  պոտենցիալ բնապահպանական և սոցիալական ազդեցությունը բնական ռեսուրսների բազայի և համայնքների ապրուստի միջոցների վրա նպատակային տարածքում,
2. Ուսումնասիրել և բացահայտել բնապահպանական և սոցիալական կայունության հիմնական ուղղությունները,
3. Առաջադրել բնապահպանական կայունության ուղղությամբ ՀԳՏՏԶՀ/ ԳԶՄՀ-ի կողմից աջակցության իրականացման հիմնական հնարավորությունները:

Խորհրդատուի ընտրության նպատակն է` իրականացնել աշխատանքներ ընկերության գործունեության բնապահպանական, կլիմայի փոփոխության և սոցիալական հարցերի վերաբերյալ, մասնավորապես գյուղատնտեսության և գյուղական զարգացման հետ կապված, տրամադրել եզրակացություն հատուկ միջոցների, առաջարկությունների վերաբերյալ, այդ թվում ներկայացնել հնարավորություններ օպտիմալացնելու ադապտացումը, բնապահպանության/շրջակա միջավայրի կառավարումը և ռեսուրսների օգտագործումը, ինչպես նաև հավաքագրել բոլոր անհրաժեշտ ելակետային տվյալները :

Առաջադրանքը բաղկացած է հետևյալ հիմնական ծառայություններից` 

1. Որոշել Բնապահպանական և Սոցիալական Ազդեցության Գնահատման (ԲՍԱԳ) շրջանակները :
2. Ծրագրի տարածաշրջանի բնապահպանական պայմանների նկարագրություն. Առաջնորդվելով Հիմնադրամի կողմից հաստատված Առաջադրանքի հաշվետվությամբ՝ հավաքագրել, գնահատել և ներկայացնել բնապահպանական, կլիմայի փոփոխության ամբողջ համապատասխան ելակետային տվյալները և ծրագրի տարածաշրջանի սոցիալական առանձնահատկությունները :
3. Համապատասխանությունը Հայաստանի օրենսդրության հետ:
4. Պոտենցիալ բնապահպանական, կլիմայական և սոցիալական ազդեցությունների և առաջարկվող նախագծի ռիսկերի որոշում :
5. Ծրագրի նախագծի փոփոխությունների առաջարկություն և այլընտրանքների վերլուծություն:
6. Բնապահպանական և սոցիալական կառավարման պլանի մշակում:

 Ծրագիրը  իրականացնելու համար խորհրդատուի ընտրության առաջիկա մրցույթին մասնակցելու նպատակով ՀԳՏՏԶՀ-ը բոլոր շահագրգիռ և որակավորված կազմակերպություններին հրավիրում է ներկայացնել Հետաքրքրության հայտեր:

              Հայտում պետք է ներառվեն հետևյալ փաստաթղթերը.

• Դիմում ՀԳՏՏԶՀ-ի տնօրենի անունով;
• Պետական գրանցման վկայականի պատճենը;
• Հետաքրքրության հայտը ստորագրողի լիազորագիրը;
• Վերջին 5 տարիների ընթացքում նմանատիպ խորհրդատվական ծառայությունների մատուցման վերաբերյալ տեղեկատվություն;
• Հետաքրքրության հայտը համատեղ ձեռնարկատիրական գործունեության սկզբունքով ներկայացնելու դեպքում պայմանագրի պատճենը;
• Աշխատակազմի ցանկը և աշխատանքային փորձառության վերաբերյալ տեղեկատվությունը (CV),

Կարճ ցանկի կազման նպատակով կազմակերպությունների գնահատման չափորոշիչներն են`

• Վերջին հինգ տարիների ընթացքում բնապահպանական ազդեցության գնահատման ոլորտում փորձառություն (առավելագույնը 50 միավոր)
• Վերջին հինգ տարիների ընթացքում սոցիալական ազդեցության գնահատման ոլորտում փորձառություն (առավելագույնը 50 միավոր)

Հետաքրքրության հայտը ներկայացվում է հայերեն, 1 բնօրինակ և 1 պատճեն։

Աշխատանքների իրականացման ենթադրվող ժամկետը` մոտ 3 ամիս։

Խորհրդատուն ընտրվելու է ԳԶՄՀ-ի կողմից 2010 սեպտեմբերին հրապարակված Գնումների ուղեցույցով սահմանված ընթացակարգերի համաձայն։ Ավելի մանրամասն տեղեկություններ կարող եք ստանալ ստորև նշված հասցեով ժամը 09.00-18.00։

Հետաքրքրության հայտերը պետք է ներկայացնել նշված հասցեով մինչև 2017թ. Փետրվարի 22-ը, ժ.17.00։

Հայաստանում գյուղական տարածքների տնտեսական զարգացման հիմնադրամ

Գնումների մասնագետ` Մարինա Մելքոնյան

Հասցե` ՀՀ, ք. Երևան, Սարյան 26/3

ՀՎՀՀ՝ 00099439

Հեռ`010 50 05 81

info@freda.am